Gabriel Jesus ရဲ့ ဒုတိယပိုင်း Come Back Hat-trick ကြောင့် Carabao Cup Semi-finals အဆင့်ကိုတက်လှမ်းခွင့်ရခဲ့တဲ့ Arsenal

ဒီနေ့ မနက်အစောပိုင်း (၂:၀၀) နာရီမှာ ယှဉ်ပြိုင်ကစားသွားခဲ့တဲ့ Arsenal အသင်းနဲ့ Crystal Palace အသင်းတို့ရဲ့Carabao Cup Quarter finals ပွဲစဉ်မှာတော့ Arsenal အသင်းက ဘရာဇီးသားတိုက်စစ်မှူး Gabriel Jesus ရဲ့ အံ့အားသင့်ဖွယ်ရာ come back Hat-trick ဂိုးတွေနဲ့အတူ Crystal Palace အသင်းကို နောက်ကောက်ချပြီး ပြိုင်ပွဲရဲ့ Semi-finals အဆင့်ကိုတက်လှမ်းနိုင်သွားခဲ့ပါတယ်။

ပထမပိုင်းပွဲချိန် (၄) မိနစ်မှာတင် Arsenal ခံစစ်ကစားသမား Jakub Kiwior ရဲ့အလွဲကနေတစ်ဆင့် Crystal Palace တိုက်စစ်မှူး Jean-Philippe Mateta က ဂိုးသွင်းယူနိုင်ခဲ့လို့ ပထမပိုင်းပွဲချိန် (၄၅) မိနစ်လုံးမှာ Crystal Palace အသင်းက ဦးဆောင်အသာစီးရနေခဲ့တာပါ။

ဒုတိယပိုင်းအစမှာ Arsenal နည်းပြ Arteta က Thomas Party နဲ့ Ethan Nwaneri တို့ကို William Saliba နဲ့ Martin Ødegaard တို့နဲ့ လူစားလဲလိုက်ပြီးတဲ့နောက်မှာ ပွဲအခြေအနေကအလှည့်အပြောင်းဖြစ်‌လာခဲ့ပြီး တိုက်စစ်မှူး Gabriel Jesus က ပွဲချိန် (၅၄, ၇၃, ၈၁) မိနစ်‌တွေမှာ ချေပဂိုးနဲ့ ဦးဆောင်ဂိုးတွေ သွင်းယူနိုင်ခဲ့ပါတယ်။ ပွဲချိန် (၈၅) မိနစ်မှာ Arsenal ကစားသမားဟောင်း Crystal Palace အသင်းတိုက်စစ်မှူး Eddie Nketiah က (၁) ဂိုးပြန်လည်သွင်းယူနိုင်ခဲ့‌‌သေးပေမဲ့လည်း Arsenal အသင်းကပဲ ပွဲပြီးထိထိန်းချုပ်ကစားကာ အနိုင်ရခဲ့တာပါ။

အခြား Quarter finals ပွဲစဉ် (၂) ပွဲမှာတော့ Newcastle United အသင်းက Brentford အသင်းကို (၃-၁)ဂိုး၊ Liverpool အသင်းက Southampton အသင်းကို (၂-၁)ဂိုး စတဲ့ရလဒ်တွေနဲ့ အသီးသီးအနိုင်ရကာ semi-finals အဆင့်ကို တက်လှမ်းသွားနိုင်ခဲ့ကြပါတယ်။